सिन्धुपाल्चोकका दर्जनौँ बस्ती विपत्‌को उच्च जोखिममाकमला पाख्रिनसिन्धुपाल्चोक । सिन्धुपाल्चोक विपत्को उच्च जोखिममा रहेको जिल्ला हो । बाढी, पहिरो र चट्याङबाट यस जिल्लामा बर्सेनि जनधनको ठूलो क्षति हुन्छ । प्राकृतिक विपत्तिका बहुआयामिक जोखिमका कारण यहाँका स्थानीय सधैँ त्रासमा बाँच्न बाध्य छन् ।सिन्धुपाल्चोकको बाह्रबिसेस्थित खोर्सानीबारीदेखि तातोपानीको लिपिङसम्मका बस्ती दुईवटा साँघुरा पहाडको बीचमा बग्ने भोटेकोशी नदीको किनारमा छन् ।भोटेकाशी र ठाडो खेलामा आउने बाढी एवं पहिरोका कारण अधिकांश बस्ती जोखिममा छन् । यहाँ बाढी, पहिरोको मात्रै समस्या छैन, भिरबाट खस्ने ठूल्ठूला ढुंगाको जोमिख त जहिल्यै भइराख्छ । त्यसैले बाह्रबिसेदेखि लिपिङसम्मका दर्जनौँ बस्तीका बासिन्दाको त्रास कहिल्यै हट्दैन । ‘पाक्नै लागेको धान बगिहाल्यो । घर पनि बग्यो । अरूको घरमा बास बस्ने गरेका छौँ’, हेलम्बू-४ सिन्धुपाल्चोककी बिबीलक्ष्मी तामाङले सुनाइन् ।यस्तै दुःख पोखिन् स्थानीय लक्ष्मी थापाले, ‘खोलाको डर हुन्छ । राति बाढी आउँदाखेरि बच्चाहरू लिएर भाग्नु पर्ने हुन्छ’, लक्ष्मीले सुनाइन् ।