प्रधानमन्त्री पुष्पकमल दाहाल र प्रमुख प्रतिपक्षी दल नेकपा एमालेका अध्यक्ष केपी शर्मा ओलीबीच भेटवार्ता भएको छ ।
सिंहदरबारस्थित प्रधानमन्त्री तथा मन्त्रिपरिषद्को कार्यालयमा प्रधानमन्त्री र अध्यक्ष ओलीबीच भेटवार्ता भएको हो । भेटमा सङ्क्रमणकालीन न्यायसम्बन्धी विधेयकलगायतका समसामयिक विषयमा छलफल भएको प्रधानमन्त्रीको सचिवालयले जनाएको छ ।
गत फागुन २५ गते संसद्मा दर्ता भएको सङ्क्रमणकालीन न्यायसम्बन्धी विधेयकलाई वैशाख १५ गते छलफलका लागि कानुन, न्याय तथ मानवअधिकार समितिमा पठाइएको थियो । विधेयकमा सहमति जुटाउन उपसमिति गठन भएको छ । उपसमितिमा गम्भीर मानवअधिकार उल्लङ्घन बाहेकका घटनामा पीडितको सहमतिमा मेलमिलाप हुने, परिपूरणको व्यवस्थाजस्ता विषयमा सहमति जुटे पनि हत्या लगायतका विषयमा अझै सहमति जुट्न बाँकी छ ।
विधेयकमा उपसमितिले गरेको सहमतिलाई शीर्ष नेताहरु समक्ष प्रस्तुत गर्ने तयारी छ ।साभार।
