लागूऔषध कारोबारमा संलग्न चार जना पक्राउभक्तपुर — अवैध लागूऔषध कारोबारमा संलग्न चार जनालाई प्रहरीले पक्राउ गरेको छ । भक्तपुर नगरपालिका-२ को औद्योगिक क्षेत्र अगाडि चेकजाँच गर्ने क्रममा गत २३ असोजमा प्रहरीले सुर्यविनायक नगरपालिका-६ का सुशान्त अर्याललाई स्कुटरको डिकीमा लागुऔषध राखेर लगिरहेको भेटाएको थियो ।अर्याललाई पक्राउ गरी अनुसन्धान गर्नेक्रममा थप तीन जना लागुऔषध कारोबारमा संलग्न रहेको खुलेपछि उनीहरुलाई पक्राउ गरिएको भक्तपुरका डिएसपी बसन्त पाठकले जानकारी दिए ।प्रहरीले मध्यपुरथिमि नगरपालिका-३ बाट काठमाडौंका कृष्णकुमार दास र काठमाडौंको सिनामंगलबाट सप्तरीका दिपेन्द्रकुमार यादवलाई पक्राउ गरेको थियो । त्यस्तै, अनुसन्धानकै क्रममा सप्तरीका जितेन्द्रकुमार रमनलाई पनि प्रहरीले पक्राउ गरेको थियो ।प्रहरीकाअनुसार अर्यालको साथबाट नोर्फिन –४५ एम्पुल , डाईजोपाम – ४५ एम्पुल, फेनेरागन – ४५ एम्पुल, प्रयोग नभएको सिरिन्ज – १ थान र प्रयोग भएको सिरिन्ज – ६ थान लागूऔषध बरामद भएको थियो ।त्यस्तै, दास र यादवको साथबाट डायजपाम १२५ एम्पुल, बुप्रिनोर्फिन १२५ एम्पुल र प्रोमेथोजिन १२५ उम्पुलसहित पक्राउ गरिएको डिएसपी पाठकले जानकारी दिए । उनीहरुलाई जिल्ला प्रहरी परिसरमा राखेर थप अनुसन्धान भइरहेको प्रहरीले जनाएको छ ।
Previous articleआज कांग्रेसको चियापानकाठमाडौं । नेपाली कांग्रेसले आज दसैं, तिहार, नेपाल संवत्, छठलगायत पर्वका अवसरमा चियापान कार्यक्रम गर्दै छ ।पार्टी केन्द्रीय कार्यालयमा दिउँसो १ बजेदेखि अपराह्न ५ बजेसम्म चियापान कार्यक्रम चल्ने कांग्रेसले जनाएको छ ।चियापानमा विभिन्न राजनीतिक दलका नेता, मन्त्री, संवैधानिक निकायका प्रमुख, सांसद, राष्ट्रसेवक कर्मचारी, सुरक्षा निकायका प्रमुख, कूटनीतिक नियोगका प्रमुखहरू लगायतलाई आमन्त्रण गरिएको छ ।यस्तै चियापानमा विभिन्न सञ्चारमाध्यमका प्रमुख, पत्रकार, गैरआवासीय नेपालीका संघ-संस्थाका प्रमुखलगायत विशिष्ट महानुभाव, कांग्रेसका सदस्य एवं शुभेच्छुकहरुलाई सहभागिता जनाउन कांग्रेसको प्रचार विभाग प्रमुख मीनबहादुर विश्वकर्माद्वारा जारी विज्ञप्तिमा उल्लेख गरिएको छ । कांग्रेसका अनुसार झन्डै १० हजार जनालाई चियापानमा आमन्त्रण गरिएको छ ।२०३३ सालमा कांग्रेसका संस्थापक नेता बीपी कोइरालाले राष्ट्रिय एकता तथा मेलमिलापको नीति लिई स्वदेश फर्केपछि प्रत्येक वर्ष पार्टीले कोजाग्रत पूर्णिमाको दिनमा चियापान समारोह गरी शुभकामना आदान-प्रदान गर्दै आएको छ ।चियापान कार्यक्रमलाई बीपीको निधनपछि कृष्णप्रसाद भट्टराई, गिरिजाप्रसाद कोइराला र सुशील कोइरालाले निरन्तरता दिँदै आएका थिए । सुशीलको निधनपछि शेरबहादुर देउवाले चियापान कार्यक्रमलाई निरन्तरता दिँदै आएका छन् । कोरोनाका कारण भने विगतका वर्षहरूमा कांग्रेसको चियापान रोकिएको थियो ।