प्रहरी महानिरीक्षक (आईजीपी) बसन्त बहादुर कुँवर इन्टरपोलको ९२ औं महासभामा सहभागी भएका छन् ।सोमबारदेखि संयुक्त अधिराज्यको स्कटल्याण्डको ग्लासगोमा सञ्चालन भएको इन्टरपोलको ९२ औं महासभामा नेपालबाट आईजीपी कुँवर सहभागी भएका हुन् ।
महासभा २२ गतेसम्म चल्नेछ । यो महासभा विश्वभरका कानून प्रवर्तन एजेन्सीहरूलाई अन्तर्राष्ट्रिय अपराध नियन्त्रण, सहयोग, र सुरक्षा प्रविधिमा आदानप्रदान गर्ने महत्वपूर्ण मञ्च हो ।आईजीपी कुँवरसँगै सशस्त्र प्रहरी नायव महानिरीक्षक अन्जनी कुमार पोखरेल र इन्टरपोल शाखाका प्रमुख प्रहरी उपरीक्षक कोमल शाहसमेत महासभामा सहभागी रहेका छन् ।
