गृहमन्त्रीको‘पीए’हुँ भन्‍दै ठगी गरेको आरोपमा एक जना पक्राउ ;

गृहमन्त्रीको ‘प्रमुख स्वकीय हुँ’ भन्दै ठगी गरेको आरोपमा प्रहरीले एक जना मानिसलाई पक्राउ गरेको छ ।
पक्राउ पर्नेमा बैतडीको भुमेश्वर गाउँपालिका–७ का २६ बर्षीय करनसिंह विष्ट रहेका छन् ।
उनलाई उपत्यका अपराध अनुसन्धान कार्यालयको टोलीले काठमाडौंको धुम्बाराहीबाट पक्राउ
गरेको अपराध अनुसन्धान कार्यालयका प्रमुख प्रहरी बरिष्ठ उपरीक्षक सानुराम भट्टराईले बताएका छन् ।पक्राउ परेका उनीमाथि अनुसन्धान थालिएको एसएसपी भट्टराईले
बताए ।
उनीमाथि नक्कली पीए भन्दै ठगी गर्दै हिडेको प्रहरीको आरोप छ ।गृहमन्त्रीको सचिवालयले पनि नक्कली पीएको विषय सचिवालयमा आएपछि केही समय यता सुक्ष्म रुपमा जानकारी
लिइरहेको थियो ।
नक्कली पीएले अनावश्यक दबाब दिएर फोन गर्न थालेपछि सचिवालको आग्रहमा पक्राउ गरिएको हो ।
गृहमन्त्रीको सचिवालयले पनि विभिन्न क्षेत्रमा पिए र सल्लाहाकार हुँ भन्दै फोन गर्ने व्यक्तिहरुबाट सर्तक रहन आग्रह गरेको छ ।