नेपाल प्रहरी प्रशिक्षण प्रतिष्ठान, महाराजगंजमा यहि पौष ०७ गते देखी १६ गते सम्म सञ्चालन भएको आई. जि.पि रनिङ शिल्ड फुटबल प्रतियोगिता-२०८१ को उपाधि जित्न सफल भएको गण्डकी प्रदेश प्रहरी कार्यलयको फुटबल टोलीले गण्डकी प्रदेश प्रहरी प्रमुख प्रहरी नायव महानिरीक्षक भोला बहादुर रावललाई खेलमा जितेको ट्रफि हस्तान्तरण गरेका छन् ।
कार्यक्रममा गण्डकी प्रदेश प्रहरी प्रमुख प्रहरी नायव महानिरीक्षक भोला बहादुर रावलले गण्डकी प्रदेश प्रहरी कार्यालय पोखराको तर्फबाट व्यबस्थापक, प्रशिक्षक र खेलाडीहरुलाई पुरुस्कार प्रदान गर्नुको साथै धन्यवाद तथा बधाई ज्ञापन समेत गर्नुभएको थियो । सोहि अवसरामा बोल्दै प्रहरी नायव महानिरीक्षक रावलले खेल एक साधना रहेकोले यसले अनुशासन, टोली भावना र नेतृत्व क्षमता विकास गर्न समेत मद्दत पुर्याउने हुदाँ खेलाडीहरु सधै आफ्नो साधनामा सक्रिय रहन आग्रह समेत गर्नुभएको थियो ।
साथै फुटबल टोलीको जितले समग्र गण्डकी प्रदेश प्रहरीलाई थप उर्जा प्रदान गरेको बताउनुभएको छ ।
