सोलुखुम्बु जिल्लाका प्रमुख जिल्ला अधिकारी अनोज कुमार घिमिरे र जिल्ला प्रहरी कार्यालय सोलुखुम्बुका कार्यालय प्रमुख प्रहरी नायव उपरीक्षक द्वारिका प्रसाद घिमिरेले इलाका प्रहरी कार्यालय नेचा र अस्थाई प्रहरी चौकी सल्यान सोलुखुम्बुको निरीक्षण
गर्नु भयो ।
प्रहरी सेवाको प्रभावकारिता, जिल्लाको शान्ति सुरक्षाको अवस्था, विपद व्यवस्थापनमा प्रहरीको प्रयास, मानव अधिकार प्रवद्धनमा प्रहरीको भुमिका लगायत शाखाहरुको कामकारबाहीको निरीक्षण गर्नु भई प्रमुख जिल्ला अधिकारी र यस कार्यालयका कार्यालय प्रमुखले प्रहरी सेवाको प्रभावकारिता, शान्ति सुरक्षाको अवस्था, विपद व्यवस्थापनमा प्रहरीको प्रयास, मानव अधिकार प्रवर्द्धनमा प्रहरीको भुमिका लगायत फैसला कार्यान्वयन र अनुसन्धान कार्यलाई गुणस्तरीय रुपमा सम्पन्न गर्नको लागि तदारुकता अपनाई अनुसन्धानात्मक कार्यलाई बस्तुनिष्ठ, पारदर्शी, विश्वासनिय बनाई जनआस्था निर्माण गर्न सम्पुर्ण प्रहरी कर्मचारीहरुलाई निर्देशन दिनुभयो ।
साथै, उक्त निरीक्षण कार्यक्रममा सशस्त्र प्रहरी बल नेपाल आश्रित गुल्म सल्लेरीका प्रमुख सशस्त्र प्रहरी नायव उपरीक्षक गोविन्द प्रसाद पोखरेल र राष्ट्रिय अनुसन्धान जिल्ला कार्यालय सोलुखुम्बुका प्रमुख अनुसन्धान अधिकृत निर्मल पौडेल समेतको उपस्थिति रहेको थियो ।
निरीक्षण तथा अनुगमन कार्यक्रम सम्पन्न:-
