त्रिभुवन आर्मीसंग ८ विकेटले पराजित हुँदै मधेस जय ट्रफीबाट बाहिरियो
फाइनलमा पुग्ने पहिलो टोली बन्यो त्रिभुवन आर्मी ।
जय ट्रफी एलिट कप अन्तरगतको खेलमा त्रिभुवन आर्मी क्लबले मधेश प्रदेशलाई ८ विकेटले हराएका छन् ।
मधेश प्रदेशले दिएको
२८ रनको झिनो लक्ष्यलाई आर्मीले २ विकेट क्षतिमा भेट्टाएको हो ।
आर्मीले पहिले ब्याटिङ गर्दै ९ विकेट क्षतिमा २२५ रन बनाएर पारी समाप्तिको घोषणा गरेको थियो । मधेश प्रदेश पहिलो इनिङमा १०२ रनमै अलाउट भएर फलोअनमा पर्यो । १२३ रनले पछि परेको मधेशले दोस्रो इनिङमा पनि १५० रन मात्रै जोड्न सक्यो ।
जम्मा २८ रनको लक्ष्य पाएको आर्मीले त्रितराज दास र सन्तोष कार्कीलाई सस्तोमा गुमाएको थियो । ओपनर इमरान सेख र बसिर अहमदले टिमलाई जित दिलाए ।
यो जितसँगै त्रिभुवन
आर्मी क्लव फाइनल नजिक पुगेका छन् ,
भने मधेशको टिम बाहिरिएका छन् ।
त्रिभुवन आर्मीको जितमा स्पिनर सहाब आलम र अलराउन्डर बसिर अहमदले महत्वपूर्ण भूमिका निभाएका थिए ।
सहाबले पहिलो इनिङमा ६ विकेट र दोस्रो इनिङमा ३ विकेटसहित कुल ९
विकेट लिएका थिए ।
बसिरले त्रिभुवन आर्मीको पहिलो इनिङमा ६७ रनको अर्धशतकीय पारी
खेलेका थिए ।
दोस्रोमा उनी ४ रनमा नटआउट भएका छन् ।
उनले विजयी चौका प्रहार गरेका थिए ।
बसिरले मधेशको पहिलो इनिङमा १ विकेट र दोस्रोमा ४ विकेट लिएको थिए ।
