बलात्कार मुद्दाका एक थुनुवा ललितपुरको पाटन अस्पतालबाट फरार भएका छन् । प्रहरी वृत्त सातदोबाटोको हिरासतमा रहेका थुनुवा अछाम घर भएका दीपक साउद बुधबार दिउँसो फरार भएका छन् । थुनुवा बिरामी भएपछि उपचारका लागि भन्दै पाटन अस्पताल लगिएको थियो । सो क्रमा शौचालय जाने भनेर छिरेका उनी दिउँसो ११ बजेतिर फरार
भएका छन् ।
उनी झ्यालबाट हामफालेर भागेको बताइएको छ ।
फरार थुनुवाको खोजी भइरहेको जिल्ला प्रहरी परिसर ललितपुरका प्रवक्ता नरहरी रेग्मी बताउँन् । ‘शौचालय जाने निहुँ बनाएर भागेको बताइएको छ । घटनाबारे अनुसन्धान गर्दैछौं,’ एसपी रेग्मीले
भने । १९ वर्षका साउद १७ वर्षकी किशोरीसँग लिभिङ टुगेदरमा बस्दै आएका
थिए । ती किशोरीले केही समयअघि बच्चा समेत जन्माएकी थिइन् ।
विवाह गर्ने उमेर समेत नहुँदा आफूखुसी विवाह गरेर बच्चा समेत जन्माएको अवस्था रहेको प्रहरीको भनाइ छ । आफूलाई बेवास्ता गर्न थालेपछि १७ वर्षीया किशोरी बच्चाकी आमाले उनीविरुद्ध बलात्कार जाहेरी दिएकी थिइन् । त्यसपछि साउद पक्राउ परेका थिए ।
एकजना थुनुवा पाटन अस्पतालबाट फरार:-
