शान्ति, करुणा र मानवताको सन्देश वाहक हजरत मुहम्मद (सल्लल्लाहु अलैहि वसल्लम) को जन्म दिवस ईद–ए–मिलादुन्नबी भोलि देशभर विभिन्न कार्यक्रमसहित मनाइने भएको छ । यस अवसरमा नेपाल सङ्घीय समाजवादी पार्टीका केन्द्रीय अध्यक्ष, पूर्व गृह राज्यमन्त्री तथा संविधानसभा सदस्य मोहम्मद रिजवान अन्सारी ज्यूको तर्फबाट एक प्रेस विज्ञप्ति जारी गरिएको छ । विज्ञप्तिमार्फत उहाँले देश भरी र विदेशमा रहनुभएका सम्पूर्ण दिदीबहिनी र दाजुभाइमा हार्दिक शुभकामना व्यक्त गर्नुभएको छ । विज्ञप्तिमा हजरत मुहम्मद (स.अ.व.) को जीवन र शिक्षालाई स्मरण गर्दै भन्नु भएको छः“सबैभन्दा उत्तम मानिस त्यो हो जसले अरूलाई सबैभन्दा बढी फाइदा पुर्याउँछ।”“तिमीमध्ये कोही पूर्ण ईमानदार तबसम्म हुँदैन, जबसम्म ऊ आफ्ना भाइका लागि पनि त्यही कुरा चाहँदैन जुन आफैंका लागि चाहन्छ।”
“साँचो मुसलमान त्यो हो जसको मुख र हातबाट अरू मानिस सुरक्षित हुन्छन्।”यी अमर वचनहरूले आज पनि मानव जातिलाई प्रेम, सहिष्णुता, भ्रातृत्व र समानताको बाटो देखाइरहेको सन्देशमा उल्लेख गरिएको छ ।अध्यक्ष अन्सारीले ईद–ए–मिलादुन्नबीलाई केवल धार्मिक पर्व मात्र नभई सामाजिक एकता, करुणा र आपसी सद्भाव फैलाउने माध्यमको रूपमा लिनुपर्नेमा जोड दिनुभएको छ । साथै, उहाँले सबै नेपाली दाजुभाइ–दिदीबहिनीहरूलाई शान्ति, सद्भाव र भ्रातृत्वको भावना बोकेर अघि बढ्न आह्वान गर्नुभएको छ
ईद-ए-मिलादुन्नबीको अवसरमा शान्ति र सद्भावको सन्देश:-
