अख्तियार दुरुपयोग अनुसन्धान आयोगले नापी कार्यालय पर्साका वीरगन्जमा कार्यरत सर्भेक्षक रामप्रमोद राउत र कार्यालय सहयोगी अरुणप्रसाद उपाध्यायलाई घुससहित पक्राउ गरेको छ ।आयोगको टंगालबाट खटिएको टोलीले दुवैजनालाई नियन्त्रणमा लिएको हो । छुट जग्गा दर्ताका निम्ति सेवाग्राहीसँग एक लाख रुपैयाँ घुस लिइसकेको अवस्थामा मंगलबार पक्राउ गरिएको आयोगका प्रवक्ता राजेन्द्रकुमार पौडेलले जानकारी दिए ।
आयोगका अनुसार, उनीहरूले वीरगन्ज महानगरपालिका–३, आदर्शनगर पानी ट्यांकीस्थित नापी कार्यालय–१, २, ३ नम्बर नापी टोलीको कार्यालयमै घुस रकम बुझेका थिए ।उनीहरूलाई पक्राउ गरी आयोगले थप अनुसन्धान गरिरहेको छ ।
घुसको एक लाखसहित नापी कार्यालयका अमिन र सहयोगी पक्राउ:-
