विराटनगर । आइतबार कोशी प्रदेशका मुख्यमन्त्री उद्धव थापाले तीनजना नयाँ मन्त्री नियुक्त गरेका छन् । नवनियुक्त मन्त्रीहरूले प्रदेश प्रमुख पर्शुराम खापुङ समक्ष शपथ ग्रहण गरेका छन् ।नवनियुक्त मन्त्रीहरुमा माओवादीबाट जीवन आचार्य र राजेन्द्र कार्की रहेका छन् भने नेपाली काङ्ग्रेसबाट रामकुमार खत्री रहेका छन् । उनीहरूले पद तथा गोपनीयताको शपथ लिएका हुन्।
नवनियुक्त मन्त्रीहरुमध्ये जीवन आचार्यलाई आर्थिक मामिला तथा योजना मन्त्रालयको जिम्मेवारी तोकिएको छ भने अन्य मन्त्रीको जिम्मेवारी तोकिएको छैन ।
मुख्यमन्त्री थापाले शुक्रबार शपथ ग्रहण गरेका थिए । त्यसै दिन नेपाली कांग्रेसका प्रदीप सुनुवार र एकीकृत समाजवादीका कमल जबेगुलाई मन्त्री नियुक्त गरिएको थियो । उनीहरुले पनि मन्त्रालयको जिम्मेवारी पाएका छैनन् ।
