भन्सार छलेकाे डेढ कराेडकाे हार्डवेयर तथा लत्ताकपडा बाेकेको ट्रक र पिकअपबिलविजक भन्दा बढी हार्डवेयर तथा लत्ताकपडाहरू बोकेको माल बाहक ट्रक र पिकअप वीरगञ्जबाट काठमाण्डौं तथा बुटवलतर्फ जाँदै गरेको मा पक्राउ परेकाे छ ।जिल्ला प्रहरी कार्यालय पर्साबाट खटिएको प्रहरी टोलीले मिति २०८०।०४।०१ गते जिल्ला पर्सा वीरगञ्ज महानगरपालिका वडा नं. १५ गण्डकस्थित सडकखण्डबाट ना.५ ख ६९५९ नम्बरको मालवाहक ट्रक र प्रदेश ३-०१-०२२ च ३५५५ नम्बरको पिकअप गाडी रोकी जाँच गर्ने क्रममा विलविजक भन्दा बढी मालबस्तुहरू लोड रहेको तथा सो बिलबिजक शंकास्पद देखिएको हुँदा रू. १,४३,६४,०२२।–(एक करोड त्रिचालीस लाख चौसठ्ठी हजार वाईस) प्रहरीले नियन्त्रणमा लिएकाे छ ।साे ट्रक, पिकअप र सो भित्र लोड रहेको लत्ताकपडाहरुलाई प्रहरीले नियन्त्रणमा लिई थप अनुसन्धान तथा आवश्यक कारवाहीको लागि २०८०।०४।०१ गते राजश्व अनुसन्धान कार्यालय पथलैया, बारामा बुझाइएको जानकारी दिइएकाे छ ।