स्रोत नखुलेको ४८ लाख रुपैयाँसहित एकजना प्रहरीको फन्दामाकपिलवस्तु । कपिलवस्तुमा स्रोत नखुलेको ४८ लाख रुपैयाँ नगदसहित प्रहरीले एक जनालाई पक्राउ गरेको छ ।मंगलबार साँझ सवा ६ बजेतिर कपिलवस्तु नगरपालिकास्थित नयाँटोलबाट ४७ वर्षीय सुनिलकुमार गुप्तालाई २४ लाख १३ हजार २५५ नेपाली रुपैयाँ र १४ लाख ९४ हजार ९२० भारतीय रुपैयाँसहित पक्राउ गरिएको हो ।जिल्ला प्रहरी कार्यालय कपिलवस्तुका अनुसार उनको साथबाट कुल ४८ लाख ५ हजार १२७ रुपैयाँ बरामद गरिएको छ ।स्थानीय रामदेव बर्माको घरमा भाडामा लिएर अवैध रुपमा भारतीय रुपैयाँको कारोबार भइरहेको सूचनाका आधारमा प्रहरी पुगेर खानतलासी गर्दा उक्त रकम बरामद गरिएको जिल्ला प्रहरी प्रमुख एसपी प्रेमबहादुर बस्नेतले बताए ।
