पर्सा, २ असोज
पर्साको वीरगञ्ज प्रहरीले वीरगञ्जबाट लागुऔषध चरेससहित एक जना भारतीय नागरिकलाई पक्राउ गरेका छन् ।
प्रहरीले वीरगञ्ज महानगरपालिका-२ डम्पिङ साइडबाट भारत उत्तर प्रदेश कुडोल फतेहावादका गोपाल गिरीलाई सोमबार पक्राउ गरेको हो ।
पर्सा प्रहरीले विशेष सूचनाका आधारमा खानतलासी गर्ने क्रममा गिरीले बोकेको प्लाष्टिकको झोलामा करिब तीन किलोग्राम चरेस फेला परेको नेपाल प्रहरीले जनाएका छन् ।