डिजे बाजा लिएर फर्किरहेका आयोजक समितिका तीन जना युवाहरूलाई कमला नगरपालिकाको मंगराहा र नरहा टोलको बीचमा निर्घात कुटपिट भएको हो । कुटपिटबाट सिराहाका रवीन्द्र राम, दीपेन्द्र यादव र लभकुमार महरा सख्त घाइते भएका छन् । आफूहरूलाई ज्यान मार्ने उद्देश्यले नै कुटपिट गरिएको घाइतेहरूले बताएका छन् ।
आक्रमणकारीहरूले स १० प ६२७६ नम्बरको पल्सर मोटरसाइकल सहित उनीहरूको साथमा रहेका दुई थान मोबाइल, २५ हजार रुपैयाँ नगद लगायतका सामान लुटेर भागेको घाइतेहरूले बताएका छन् । घाइते लभ कुमार महराले सोही ठाउँ बस्ने अनु यादवको छोरा अन्दाजी १८ वर्षको विजय यादव सहित ५–६ जना मिलेर ज्यान मार्ने प्रयास गरेको बताएको छन् । तीनै जनालाई पाइप रड र फलामे हतियारले प्रहार गरेको देखिएको छ । इलाका प्रहरी कार्यालय खजुरीले पीडितको बयानको आधारमा अहिले दुई जनालाई पक्राउ गरी अनुसन्धान सुरु गरेको बताएको छ । घटनामा तीन जना फरार रहेको बताइएको छ ।
