घरायसी विवादका कारण उपेनले गरे पत्नीको हत्यामोरङ । मोरङमा पत्नीको हत्या गरेको आरोपमा प्रहरीले एक जनालाई पक्राउ गरेको छ । विराटनगर महानगरपालिका–१९ धनपुराका ३९ वर्षीय उपेन चौधरी पक्राउ परेका हुन् ।जिल्ला प्रहरी कार्यालय मोरङका अनुसार उपेनले यही असोज १३ गते राति धारिलो हतियार प्रहार गरेर र कुटपिट गरेर पत्नी ३० वर्षीया जितनी सहनीको हत्या गरेका थिए ।टाउकोमा धारिलो हतियार प्रहार गरिएको र शरीरमा कुटपिट गरेको चोट रहेको अवस्थामा जितनीको शव घरभित्रै फेला परेको थियो । घटनापछि फरार रहेका उपेनलाई शुक्रबार पक्राउ गरिएको प्रहरीले जनाएको छ ।घरायसी विवादमा उपेनले पत्नीको हत्या गरेको प्रहरीको प्रारम्भिक अनुसन्धानबाट खुलेको छ । उपेनविरुद्ध कर्तव्य ज्यान मुद्दा चलाउन अदालतबाट म्याद थप गरेर प्रहरीले अनुसन्धान थालेको छ ।