सत्ताइस क्विन्टल चिनी बरामद :-तस्करीकाे चिनी महेन्द्र ठाकुरकाेपरासी । जिल्ला प्रहरी कार्यालयले पश्चिम नवलपरासीले २७ क्विन्टल तस्करीकाे चिनी बरामद गरेको छ । २० गते शनिबार बिहान २.३० बजेको समयमा रामग्राम नगरपालिका बडा नम्बर ८ भैंसी बजारमा उक्त तस्करीकाे चिनी बरामद भएको प्रहरीले जानकारी दिएको छ । लु ३ च ४९६६ नम्बरको पिकअप गाडीलाई शंकास्पद भएको भन्दै प्रहरी चाैकी गाेवरहियाबाट प्रहरी टाेलीले चेकजाँच गर्ने क्रममा उक्त चिनी बरामद भएको प्रहरीले जानकारी दिएको छ । प्रहरीलाई देख्नेबित्तिकै गाडीको चालक चांपी नै छाडेर गाडी छाेडी भागेको र गाडी खानतलासी गर्दा ठूलो परिमाणमा चिनी बरामद भएको थियो । ५४ बाेरामा रहेको उक्त चिनीकाे मूल्य झण्डै १ लाख १९ हजार ६ सय र गाडीको मूल्यांकन १० लाख गरि ११ लाख २९ हजार ६ सय मूल्य बराबरको चिनी र गाडी आवश्यक कारबाहीको लागि महेशपुर भन्सार कार्यालयमा बुझाएको छ । उक्त चिनी महेन्द्र ठाकुरले मगाएकाे समेत खुलेको छ। महेन्द्र ठाकुर नेपाली काङ्ग्रेसको आडमा लामो समयदेखि तस्करी काराेवारमा संलग्न व्यक्ति हुन । उनी नेपाली काङ्ग्रेसको तर्फबाट दाेस्राे पटक रामग्राम नगरपालिकाकाे वडा नम्बर ८ मा बडाध्यक्षमा निर्वाचित भएका छन् । उनी रक्तचन्दन तस्करीमा पनि जाेडिदै आएका व्यक्ति हुन । उनको यो तस्करीलाई जिल्ला प्रहरी कार्यालयबाट खटिएका घुमुवाहरू प्रदिप गुप्ता र किरण कुंवरकाे संरक्षण रहेको समेत खुलेको छ।यो चिनी प्रहरी चौकी बसहियको नाकाबाट निस्केको हो । प्रहरी चौकी बसहियमा प्र स नी जनार्दन यादव छन् ।
