‘झन्डै ४० प्रतिशत कम राजस्व उठ्नु राज्यको लागि निकै चिन्ताको विषय हो’- उनले भने– ‘एकातर्फ सरकारले पोहोरभन्दा राजस्व लक्ष्य पनि बढाएको थियो । त्यसमा पनि मालसामानको आयात ह्वात्तै घट्दा राजस्वमा नकारात्मक असर परेको छ।’
गत आव २०७९/८० को जेठ मसान्तसम्म ११ महिनामा वीरगंज भन्सारले एक खर्ब ८५ अर्ब ६१ करोड ९५ लाख १९ हजार लक्ष्य पाएकोमा १०२ प्रतिशत अर्थात् एक खर्ब ८८ अर्ब ७८ करोड ६४ लाख १० हजार राजस्व संकलन गरेको थियो ।
पोहोरको राजस्व संकलनसँग तुलना गर्ने हो भने चालु आवको जेठ मसान्तसम्म एघार महिनामा झन्डै ४६ अर्ब कम राजस्व संकलन भएको देखिन्छ ।
वीरगंज भन्सारले चालू आवको साउनदेखि जेठ मसान्तसम्म भन्सार महसूलतर्फ ८९ अर्ब, ३४ करोड २६ लाख ९६ हजार लक्ष्य पाएकोमा ५६.५३ प्रतिशत अर्थात् ५० अर्ब ५० करोड ४९ लाख ९४ हजार उठाएको छ।
यस्तै मूल्य अभिवृद्धि कर (भ्याटतर्फ) ८९ अर्ब २० करोड ६३ लाख २० हजार लक्ष्य पाएकोमा ७१.६२ प्रतिशत अर्थात् ६३ अर्ब ८९ करोड ३७ लाख ७७ हजार, अन्तःशुल्कतर्फ २४ अर्ब ४० करोड ९६ लाख ७८ हजार राजस्व लक्ष्य पाएकोमा ३६.९९ प्रतिशत अर्थात् नौं अर्ब दुई करोड ९९ लाख ८२ हजार राजस्व संकलन गरेको छ ।
पूर्वाधार करतर्फ १९ अर्ब २४ करोड ६० लाख ५३ हजार लक्ष्य पाएकोमा ६५.२३ प्रतिशत अर्थात् १२ अर्ब ५५ करोड ३७ लाख आठ हजार, कृषि सुधार शुल्कतर्फ एक अर्ब ८८ करोड ८० लाख ८० हजार लक्ष्य पाएकोमा ७८.३९ प्रतिशत अर्थात् एक अर्ब ४८ करोड ८० हजार तथा सडक मरम्मत तथा सुधार दस्तुरतर्फ आठ अर्ब ६३ करोड ५८ लाख ४८ हजार लक्ष्य पाएकोमा ३७.२९ प्रतिशत अर्थात् तीन अर्ब २१ करोड ९९ लाख ६० हजार उठाएको छ।
सडक निर्माण तथा सम्भार दस्तुरतर्फ तीन अर्ब ६९ करोड ९४ लाख आठ हजार लक्ष्य पाएकोमा ३४.०१ प्रतिशत अर्थात् एक अर्ब २५ करोड ८२ लाख ३५ हजार गरी कुल दुई खर्ब ३७ अर्ब ५८ करोड ६३ लाख ६२ हजार वीरगंज भन्सारले लक्ष्य पाएकोमा एक खर्ब ४२ अर्ब ३० करोड ४१ लाख ६२ हजार राजस्व संकलन गरेको प्रमुख भन्सार अधिकृत बरुवालले जानकारी दिए।
चालू आवको जेठ मसान्तसम्म वीरगंज भन्सारबाट हरियो २३ हजार ४६० (१६.९८ प्रतिशत), पहेंलो ४० हजार ९८२ (२९.६६ प्रतिशत) रातो ७३ हजार ७३० (५३.३६ प्रतिशत) वटा प्रज्ञापनपत्र जाँचपास भएको छ भने गत आवको यसै अवधिमा हरियो ३५ हजार ४२४ (१९.५२ प्रतिशत), पहेंलो ५० हजार ९९१ (२८.१० प्रतिशत) र रातो ९५ हजार ४६ (५२.३८ प्रतिशत) वटा प्रज्ञापनपत्र जाँचपास भएको थियो ।
त्यसैगरी, चालू आवको जेठ मसान्तसम्म वीरगंज भन्सार नाका हुँदै आयात हुने उत्कृष्ट २० वटा मालवस्तुमा डिजेलको परिमाण १८.४९ प्रतिशत र त्यसबाट उठ्ने राजस्व २९.९७ प्रतिशतले कमी आएको छ भने पेट्रोलको परिमाण २.०६ प्रतिशत र राजस्व १०.१० प्रतिशतले कमी आएको देखिन्छ ।एलपी ग्यासको आयातमा १.२६ प्रतिशत कमी देखिएको छ भने त्यसबाट उठ्ने राजस्वमा ३२.०४ प्रतिशतले कमी भएको तथ्यांकमा उल्लेख छ । जीप, कार, भ्यानको आयातमा ६३.२९ प्रतिशतले गिरावट आएको छ भने त्यसबाट संकलन हुने राजस्व ७५.३६ प्रतिशतले कमी भएको देखिन्छ ।
सुर्तीको आयातमा ३.९४ प्रतिशतले कमी भएको छ भने अन्य कोइला १.३८, भटमासको कच्चा तेल ३४.४८, लुब्रिकेटिङ आयल मोबिल ७.७८, चकलेट ९.४८ प्रतिशत, मोटरसाइकल (अनएसेम्बल) ६५.३४ प्रतिशतले आयातमा गिरावट आएको वीरगंज भन्सारको तथ्यांकले देखाएको छ ।परिमाण र राजस्व बढाउने मालवस्तुमा एचआर सिट, विद्युत्बाट सञ्चालित जीप, कार, भ्यान, शृङ्गार सामग्री, अन्य बस, ट्रकका चेसीस, तयारी कपडा, सूर्यमुखी कच्चा तेल, बिटुमिन, एलोपैथिक औषधिलगायत रहेका छन् । (साभार)
