बिरामी मृत्यु प्रकरण : अस्पतालले छोराको पढाइ र २ छोरीको बिहे खर्च बेहोर्ने सहमति

धनगढी- धनगढीको स्वस्तिक कार्डियो एण्ड मल्टिस्पेसालिटी हस्पिटलमा उपचारका क्रममा बिरामीको मृत्यु भएको विषयमा आफन्त र अस्पताल प्रशासनबीच सहमति भएको छ।सोमबार भएको वार्तामा आफन्त र अस्पताल प्रशासनबीच तीन बूँदे सहमति भएको हो।

वार्तापछि मृतकका एमबीबीएस अध्य्यनरत छोराको पढाइ खर्च बेहोर्ने, मृतकको २ छोरीहरूको विवाह खर्च बेहोर्ने र उपचारमा संलग्न डाक्टर जोनस तिवारीलाई कारबाही गर्ने सहमति भएको आफन्त राजकुमार चौधरीले बताए।पत्थरीका बिरामी कञ्चनपुरको बेलौरीका ऐजनलाल चौधरीको मृत्यु भएको विषयलाई लिएर आन्दोलित भएका आफन्तले सडक बन्द गराएका थिए।