आजै दिउँसो २ बजेर ४० मिनेटमा पनि बझाङको तालकोट आसपास केन्द्रबिन्दु भएर ५.३ म्याग्निच्यूटको भूकम्प गएको थियो । हालसम्म भूकम्पबाट भएको क्षतिको कुनै विवरण प्राप्त भइसकेको छैन ।
यस्तै बझाङमा मंगलबार दिउँसो गएका दुई ठूला भूकम्पपछि सडक अवरुद्ध भएको छ । जयपृथ्वी नगरपालिका–७, कचलीखोला भन्ने स्थानमा पहिरो खसेर बाटो अवरुद्ध भएको बझाङका प्रमुख जिल्ला अधिकारी नारायण पाण्डेयले जानकारी दिए ।
सडक खुलाउनका लागि सुरक्षा संयन्त्र तयारी अवस्थामा रहेको उनले बताए । तर, सानातिना धक्का महसुस भइरहेकाले तत्काल त्यसतर्फ जान नसकिएको उनको भनाइ छ । भूकम्पपछि अहिलेसम्म कुनै मानवीय र भौतिक क्षतिको विवरण प्राप्त नभएको उनले उल्लेख गरे ।
भौतिक र मानवीय क्षति भएको विवरण प्राप्त भएको छैन । सूचना संकलन गर्ने कार्य भइरहेको छ, उनले भने, “जयपृथ्वी नगरपालिका–७, कचलीखोलामा धुले पहिरो खसेर बाटो अवरुद्ध भएको छ । खुलाउने प्रयास जारी छ । सुरक्षा संयन्त्र स्ट्यान्डबाई छ । परकम्पहरू आइरहेकाले पहिरो हटाउन मुस्किल भइरहेको छ ।
भूकम्प
