जिल्ला प्रहरी कार्यालय पर्साले बिलबिजक भन्दा बढी सामान लोड गरेको ट्रक नियन्त्रणमा
लिएको छ ।
वीरगंज महानगरपालिका १९ स्थित सर्सिया चोकमा रोकी राखेको ना ५ ख १६७ नम्बरको ट्रकलाई नियन्त्रणमा लिएर चेक गर्दा बिलबिजक भन्दा बढीको सामान पाइएको जिल्ला प्रहरी कार्यालय पर्साका डिएसपी दीपक भारतीले जानकारी दिएका छन् ।
हार्डवेयरको सामान लोड गरेको ट्रक काठमाडौं ल्याउन लागिएको थियो।
प्रहरीका अनुसार ट्रकमा १ करोड ४२ लाख १ हजार ७९२ रुपैयाँ बराबरको सामान लोड गरिएको
थियो ।
सामान र ट्रक थप अनुसन्धानको लागि राजस्व अनुसन्धान कार्यालय पथलैयामा बुझाइएको छ।
