सिरहाबाट लागूऔषध ब्राउन सुगरसहित दुई जनामानिस पक्राउ परेका छन् ।
प्रहरीले बुधबार सिरहा नगरपालिका-१७ भन्सार गेट छेउबाट उनीहरूलाई पक्राउ गरेको हो ।
पक्राउ पर्नेमा २५ वर्षीय हृदय सिंह र २२ वर्षीय धर्मेन्द्र यादव रहेका छन् ।
प्रहरीका अनुसार, मोटरसाइकलमा आइरहेका उनीहरूमध्ये चालक सिंहको साथबाट ब्राउन सुगर बरामद भएको हो ।सिंहको साथबाट बरामद गरिएको ब्राउन सुगर ५ ग्राम २०० मिलिग्राम रहेको जिल्ला प्रहरी कार्यालय, सिरहाले जनाएको छ ।
उनीहरूलाई लागूऔषध नियन्त्रण ब्यूरो, जनकपुर तथा इलाका प्रहरी कार्यालय, माडरको टोलीले नियन्त्रणमा लिएको र
थप अनुसन्धान कार्य भइरहेको सिरहाका प्रहरी प्रवक्ता (डीएसपी) वीरेन्द्रकुमार पासवानले जानकारी दिएका छन् ।
