हबिबुलाह समानी।
११, माघ २०८१।
वीरगन्ज । हेटौंडा–७ स्थित तासिर इङ्लिस सेकेण्डरी विद्यालयको खेलकुद सप्ताह कार्यक्रम सुरु भएको छ । शुक्रबार हेटौंडा–५ स्थित पिप्ले क्याम्पा रंगशालामा विद्यालयका खेलकुद सप्ताह सुरु भएको हो ।
विद्यालय व्यवस्थापन समिति सदस्य रामहरी कार्कीको अध्यक्षतामा भएको कार्यक्रममा हेटौंडा–५ नम्वर वडाध्यक्ष सुशिल घिमिरेको प्रमुख आतिथ्यता रहेको थियो । प्रतियोगितामा विजयी विद्यार्थीहरुलाई मेडल र प्रमाणपत्र प्रदान गरिने विद्यालयका प्रिन्सिपल बिनोद थपलियाले जानकारी दिए । आज भएको उद्घाटन खेलमा सिनियर तर्फ अन्तर सदनात्मक फुटबल प्रतियोगिता भएको थियो ।
यसैगरी भोलि रिले दौड, फुटबल, टच बल, कबडी, भलिबलको खेल सञ्चालन हुने विद्यालयले जनाएको छ । माघ १५ गतेसम्म सञ्चालन हुने खेलकुदमा कक्षा नर्सरी देखि ९ सम्मका करिब १२ सय जना विद्यार्थीले सहभागिता जनाउने छन् । खेलकुदले विद्यार्थीको अनुशासन र बाहिरी ज्ञानलाई पनि जोड दिने वडाध्यक्ष घिमिरेको भनाइ रहेको थियो । कार्यक्रममा विद्यार्थीहरुले मार्चपास, नृत्य प्रस्तुत गर्नुका साथै बेलुन उडाएर कार्यक्रमको उद्घाटन गरिएको थियो ।
उद्घाटन कार्यक्रममा तासिर विद्यालयका संस्थापक राजन थापा, चन्द्रोय माध्यमिक विद्यालयका अध्यक्ष इभाकर मैनाली, प्रधानाध्यापक जिधराज ढकाल, तासिर विद्यालय अतिरिक्त क्रियाकलाप संयोजक सरल गौतमलगायतको आतिथ्यता रहेको थियो ।
