उपत्यका प्रहरी कार्यालय रानीपोखरीका कार्यालय प्रमुख प्रहरी अतिरिक्त महानिरीक्षक टेक बहादुर तामाङको प्रमुख आतिथ्यतामा करिब १७ महिना उपत्यका कार्यालयमा कार्यरत रहनु भई प्रहरी उपरीक्षक पदबाट प्रहरी वरिष्ठ उपरीक्षक पदमा पदोन्नती भई सुदूरपश्चिम प्रदेश प्रहरी कार्यालय शान्ति सुरक्षा महाशाखा धनगढी कैलाली पदस्थापन हुनु भई नयाँ कार्यक्षेत्र तर्फ प्रस्थान गर्न लाग्नु भएका प्रहरी वरिष्ठ उपरीक्षक (एसएसपी) बीर बहादुर बुढामगरको बिदाई तथा फेरि भेटौंला कार्यक्रम सम्पन्न भएका छन् ।
बिदाई तथा फेरी भेटौंला कार्यक्रमलाई सम्बोधन गर्नुहुदै प्रहरी अतिरिक्त महानिरीक्षक (एआइजी) तामाङले बिदाई भएर जान लाग्नु भएका प्रहरी वरिष्ठ उपरीक्षक बीर बहादुर बुढामगरले कार्यालयमा कार्यरत रहँदा प्रदान गरिएको जिम्मेवारी कुशलतापूर्वक निर्वाह
गर्नु भएकोमा धन्यवाद व्यक्त गर्दै नयाँ कार्यक्षेत्रको लागि उहाँलाई हार्दिक शुभकामना व्यक्त गर्नु भएका छन् ।
साथै पदोन्नती सगैं पदस्थापन हुनु भएको नयाँ कार्यक्षेत्रमा समेत कुशल तथा व्यवसायिक रुपमा प्रहरी कार्य सम्पादन गरी आफ्नो दक्षता प्रस्तुत गर्नुहुनेछ भन्ने विश्वास समेत व्यक्त गर्नु भएको छ ।
