मकवानपुर प्रहरीद्वारा चार केजी अफिमसहित एक जना पक्राउ:-

मकवानपुर प्रहरीले करिब ४ केजी अफिमसहित एक जनालाई पक्राउ गरेको छ । पक्राउ पर्नेमा हेटौंडा उपमहानगरपालिका–११ का ठाकुरसिंह मोक्तानलाई ३ केजी ८६० ग्राम अफिमसहित पक्राउ गरेको मकवानपुरका प्रहरीले बताउँछन् । जिल्ला प्रहरी कार्यालय मकवानपुरवाट खटिएको प्रहरीले मोक्तानको घर खानतलासी गर्दा अफिम फेला पारेको जिल्ला प्रहरी कार्यालय मकवानपुरका प्रहरी नायब उपरीक्षक एवं प्रवक्ता श्यामु अर्यालले बताएका छन् । मोक्तानले आफू सुत्ने खाटमा अफिम लुकाएर राखेका थिए । बिशेष सुराकीका आधारमा प्रहरीले ठाकुरको घर खानतलासी गर्न पुगेको थियो । मोक्तानलाई नियन्त्रणमा लिएर थप अनुसन्धान गर्न प्रहरीले मकवानपुर जिल्ला अदालत हेटौंडाबाट चार दिनको म्याद थप लिएको प्रहरीले बताएको छ ।