सशस्त्र प्रहरी बल नेपाल नं. १ बराह बाहिनी मुख्यालय सुनसरी र सशस्त्र प्रहरी बल नेपाल नं. ४ गण हे.क्वा. सुनसरीको संयुक्त आयोजनामा आज सुनसरीमा एकदिने नि:शुल्क स्वास्थ्य शिविर सम्पन्न गरिएको छ। स्थानीय समुदायलाई गुणस्तरीय स्वास्थ्य सेवा सहज रूपमा उपलब्ध गराउने उद्देश्यले आयोजना गरिएको उक्त शिविरमा विभिन्न स्वास्थ्य परामर्श, परीक्षण र औषधि वितरणको व्यवस्था गरिएको जनाइएको छ ।
कार्यक्रमको अध्यक्षता सशस्त्र प्रहरी बल नेपाल नं. १ बराह बाहिनीका बाहिनीपति सशस्त्र प्रहरी नायव महानिरीक्षक कुमार न्यौपानेले गर्नुभएको थियो। प्रमुख, विशिष्ट तथा अन्य अतिथिगणको उपस्थितिमा शिविरको औपचारिक उद्घाटन गरिएको थियो।
विशिष्ट अतिथिका रूपमा कोशी गाउँपालिका अध्यक्ष ऐयुव अन्सारी, कोशी गाउँपालिका उपाध्यक्ष तथा अन्य स्थानीय प्रतिनिधिहरू उपस्थित कार्यक्रममा सहभागी रहेका थिए।
स्वास्थ्य शिविरमा नोवेल मेडिकल कलेज टिचिङ्ग हस्पिटल, बिराटनगरबाट आएका विशेषज्ञ चिकित्सकहरूको टोलीले
✔ सामान्य स्वास्थ्य परीक्षण
✔ महिला तथा बाल स्वास्थ्य
✔ दन्त परीक्षण
✔ आँखाको जांच
✔ विशेषज्ञ परामर्श
लगायत विभिन्न सेवा प्रदान गरेका थिए।
स्थानीय नागरिकले सुरक्षामैत्री स्वास्थ्य गतिविधिको प्रशंसा गर्दै यस्तो कार्यक्रमले समुदाय र सुरक्षामेहनतबीचको सहकार्य थप मजबुत भएको बताएका छन्।
यस् कार्यक्रममा उपस्थित प्रमुख अतिथि सशस्त्र प्रहरी नायव महानिरीक्षक (डीआईजी) न्यौपानेले सशस्त्र प्रहरी बल नेपाल समुदायसँग नजिकिएर सेवा गर्न सदैव तत्पर रहेको बताउँदै यस्ता स्वास्थ्य गतिविधिलाई अझ विस्तार गर्दै लैजाने प्रतिबद्धता व्यक्त गर्नु भएको छ ।
कार्यक्रममा स्थानीय बासिन्दा, सुरक्षाकर्मी, स्वास्थ्यकर्मी तथा विभिन्न क्षेत्रका प्रतिनिधिहरूको उल्लेखनीय सहभागिता रहेकाे थियो ।
