गृहमन्त्री सुधन गुरुङले प्रहरी सेवालाई नागरिकमैत्री, स्वच्छ, पारदर्शी र सेवामूलक बनाउन सम्बन्धित प्रहरी कर्मचारीहरुलाई निर्देशन दिएका छन्।
बुधबार जिल्ला प्रहरी परिसर काठमाडौंको स्थलगत निरीक्षण गर्दै उनले सम्पूर्ण प्रहरी कर्मचारीलाई सेवा प्रवाहमा सुधार गर्न निर्देशन दिएका हो । निरीक्षणका क्रममा गृहमन्त्री गुरुङले परिसरबाट भइरहेका कामकारबाही, सेवा प्रवाह तथा अपराध अनुसन्धानबारे जानकारी लिएका छन् ।
काठमाडौं परिसर प्रमुख प्रहरी उपरीक्षक (एसएसपी) रमेश थापाका अनुसार मन्त्री गुरुङले प्रहरी सेवामा प्रविधिको प्रयोगलाई प्रभावकारी बनाउन सरकारले आवश्यक व्यवस्थापन गर्ने प्रतिबद्धता रहेको जनाएका छन् ।निरीक्षणका क्रममा एसएसपी थापाले काठमाडौंमा जडान गरिएका १,३०० भन्दा बढी सीसीटीभीमध्ये जेनजी आन्दोलनका क्रममा भएको तोडफोडपछि ९३७ वटा सीसीटीभी पुनः जडान भइसकेको जानकारी दिएका छन् ।
प्रहरी सेवा नागरिकमैत्री बनाउन गृहमन्त्री गुरुङको निर्देशन:-
