श्रीमतीको हत्या गर्ने भारतीय पक्राउबारा । बारामा सम्पत्तिको लोभमा आफ्नै श्रीमतीको हत्या गर्ने एक भारतीय नागरिकलाई प्रहरीले पक्राउ गरी सार्वजनिक गरेको छ । प्रहरीले भारत पूर्वी चम्पारण ढाका थाना रुपैलिया निवासी ३१ वर्षीय मोहमद अमानुल्लाह मियाँलाई हत्याको आरोपमा पक्राउ गरी आज सार्बजनिक गरेको हो ।एक दिनअघि बाराको सिम्रौनगढ नगरपालिका वडा नं. ६ बजार टोलस्थित ससुरालीघर आएका मियाँले श्रीमती २२ वर्षीय आसमिन खातुनको हत्या गरेका थिए । उनले घरायसी बिबाद हुदा मासु काटने हतियारले घाँटी रेटेर हत्या गरेको जिल्ला प्रहरी कार्यालयका प्रमुख एवम प्रहरी उपरिक्षक होबिन्द्र बोगटीले बतएका छन् ।घटनासम्बन्धी जानकारी पाएलगत्तै ईलाका प्रहरी कार्यालय सिम्रौनगगढबाट प्रहरी निरीक्षकको कमाण्डमा खटिएको टोलीले घटनास्थलबाट भाग्दै गरेका मियाँलाई गाँउलेहरु ले पक्राउ गरेको थियो । प्रहरीले घटनास्थलबाट हत्यामा प्रयोग गरिएको हतियार समेत बरामद गरेको छ । एक छोरा र दुई छोरी रहेका मियाँले यसअघि पनि पटकपटक श्रीमतीमाथि आक्रमण गर्ने गरेको प्रहरी उपरिक्षक बोगटीले बताउनु भएको छ ।पक्राउ परेका मियाँ माथि कर्तव्य ज्यान मुद्दा दर्ता गरी थप अनुसन्धान भइरहेका प्रहरी उपरीक्षक बोगटीले जानकारी दिए ।