सुनसरी जिल्लाको भोक्राह नरसिंह गाउँपालिकाको सोनियापट्टीमा आज बिहान ट्रक पल्टिँदा पाँच जना कामदारको मृत्यु भएको र अन्य तीन जना घाइते भएको जिल्ला प्रहरी कार्यालय सुनसरीका जनाएको छ ।
विराटनगरबाट मार्बल बोकेर हुलाकी राजमार्ग हुँदै राजविराज जाँदै गरेको १ ख ४५४१ नम्बरको ट्रक अनियन्त्रित भई सडकमा पल्टिँदा सुनसरी बर्जु वडा नं. १ का ३२ वर्षे बिरेन्द्र गुरुङ, सोही ठाउँका ५५ वर्षे बह्मदेव गुरुङ, ५० वर्षे टेकबहादुर गुरुङ, २८ वर्षे निसु गुरुङ र ५५ वर्षे चन्द्रबहादुर गुरुङको मृत्यु भएको हो ।
ट्रकको अगाडिको क्याविनमा चालकसहित चार जना र पछाडि पाँच जना रहेकोमा लोड गरिएको मार्बलले किचेर पाँचै जनाको मृत्यु भएको डिएसपी चन्द्र खड्काले बताएको छन् ।
उनका अनुसार अगाडि क्याविनमा बसेका तीन जना घाइतेहरुको विराटनगरमा उपचार भइरहेको छ भने चालक फरार रहेको सुनसरी प्रहरीले बताउँछन् ।
सुनसरीमा मार्बल बोकेको ट्रक पल्टियो,पाचको मृत्यु तीन जना घाइते:-
