सुदूरपश्चिम प्रदेशको सुरक्षा व्यवस्थामा महत्वपूर्ण भूमिका खेल्दै आएको सशस्त्र प्रहरी बल नेपाल नम्बर ७ बैद्यनाथ बाहिनी मुख्यालय, कैलालीको स्थापना दिवस भव्य र गरिमामय समारोहका बीच मनाइएको जनाइएको छ। सुरक्षा संयन्त्रको सुदृढीकरण, सीमाक्षेत्रको निगरानी तथा विपद् व्यवस्थापनमा उल्लेखनीय योगदान पुर्याउँदै आएको बाहिनीले आफ्नो स्थापना दिवस विशेष कार्यक्रममार्फत मनाउँदै संगठनको भूमिका र उपलब्धिहरूलाई पुनः स्मरण गराएको सशस्त्र प्रहरी कैलालीले जनाएको छ ।
समारोहका प्रमुख अतिथि सशस्त्र प्रहरी महानिरीक्षक (आईजीपी) राजु अर्याल रहेका थिए। कार्यक्रममा अन्य सुरक्षा निकायका उच्च अधिकारी, जनप्रतिनिधि, स्थानीय तहका पदाधिकारी तथा सर्वसाधारणको उल्लेख्य उपस्थिति रहेको थियो। कार्यक्रमले केवल औपचारिकता मात्र नभई सुरक्षा निकाय र समुदायबीचको सम्बन्धलाई थप मजबुत बनाउने सन्देश दिएको सहभागीहरूले बताएका छन्।
स्थापना दिवसको अवसरमा आयोजित विशेष समारोहमा बाहिनीका सुरक्षाकर्मीहरूले अनुशासन, क्षमता र तत्परताको प्रदर्शन गरेका थिए। मार्चपास, ड्रिल तथा विभिन्न सुरक्षा अभ्यासमार्फत उनीहरूले आफ्नो पेशागत दक्षता प्रस्तुत गरेका छन् । कार्यक्रममा प्रस्तुत गरिएको सुरक्षा प्रदर्शनले सीमाक्षेत्रमा भइरहेका चुनौतीहरूलाई सामना गर्न सशस्त्र प्रहरी बल पूर्ण रूपमा सक्षम रहेको सन्देश दिएको जनाइएको छ ।
प्रमुख अतिथि आईजीपी अर्यालले आफ्नो सम्बोधनमा सशस्त्र प्रहरी बल नेपाल ले मुलुकको आन्तरिक सुरक्षा, सीमा सुरक्षादेखि विपद् व्यवस्थापनसम्म बहुआयामिक भूमिका निर्वाह गरिरहेको उल्लेख गरेका छन् । उनले सीमावर्ती क्षेत्रमा हुने अवैध गतिविधि नियन्त्रण, लागुऔषध ओसारपसार रोकथाम तथा मानव तस्करी विरुद्धको अभियानमा बाहिनीले खेलेको भूमिकाको प्रशंसा गरेको छन् । साथै उनले बदलिँदो सुरक्षा चुनौतीसँग जुध्न संगठनलाई थप प्रविधिमैत्री, व्यावसायिक र उत्तरदायी बनाउँदै लैजानुपर्नेमा जोड दिएको छन् ।
कैलालीस्थित बैद्यनाथ बाहिनी विशेषगरी नेपाल–भारत सीमाक्षेत्रको सुरक्षा, तस्करी नियन्त्रण र आपतकालीन उद्धार कार्यमा अग्रपंक्तिमा खटिँदै आएको बताएका छन् । सुदूरपश्चिम प्रदेशका विभिन्न जिल्लामा फैलिएको यसको कार्यक्षेत्रले यसलाई रणनीतिक रूपमा महत्वपूर्ण बनाएको छ। सीमावर्ती क्षेत्रमा हुने अवैध आवतजावत, चोरीपैठी, भन्सार छलि तथा अन्य आपराधिक गतिविधि नियन्त्रणमा बाहिनीको सक्रियता निरन्तर बढ्दो रहेको जनाइएको छ ।
समारोहमा सहभागी अन्य सुरक्षा निकायका प्रतिनिधिहरूले पनि अन्तर–संस्थागत समन्वयलाई अझ प्रभावकारी बनाउँदै लैजानुपर्नेमा जोड दिएका थिएका छन् । उनीहरूले सुरक्षा चुनौतीहरू बहुआयामिक बन्दै गइरहेको अवस्थामा सबै निकायबीच सहकार्य अपरिहार्य रहेको धारणा व्यक्त गरेको छन् । जनप्रतिनिधिहरूले स्थानीय तह र सुरक्षा निकायबीचको सहकार्यले मात्र दीर्घकालीन शान्ति र स्थायित्व सुनिश्चित गर्न सकिने बताएका छन् ।
स्थानीय बासिन्दाहरूको उपस्थिति पनि कार्यक्रमको विशेष आकर्षण बनेको बताइएको छ । उनीहरूले सशस्त्र प्रहरी बलले आफ्नो दैनिक जीवनमा पुर्याएको सुरक्षाको अनुभूति र योगदानप्रति कृतज्ञता व्यक्त गरेका छन् । विपद्का समयमा उद्धार, राहत वितरण तथा संकटका घडीमा तत्काल सहयोग उपलब्ध गराउने कार्यले सशस्त्र प्रहरीप्रति जनविश्वास बढेको उनीहरूको भनाइ रहेको छ ।
यस कार्यक्रममा उत्कृष्ट कार्य गर्ने सुरक्षाकर्मीहरूलाई सम्मान गरिएको जनाइएको छ । यसले संगठनभित्र कामप्रतिको प्रेरणा र उत्साह बढाउने विश्वास व्यक्त गरिएको जनाएको छ ।
साथै, सेवा अवधि पूरा गरेका तथा विशिष्ट योगदान दिएका व्यक्तिहरूलाई कदरपत्र प्रदान पनि गरिएको छ ।
स्थापना दिवस केवल उत्सव नभई आत्ममूल्याङ्कनको अवसर पनि भएको सन्देश कार्यक्रममा दिइएको छ, भने विगतमा हासिल भएका उपलब्धिहरूको समीक्षा गर्दै आगामी दिनमा अझ प्रभावकारी ढंगले काम गर्ने प्रतिबद्धता व्यक्त गरिएको जनाइएको छ । विशेषगरी सीमाक्षेत्रमा देखिने नयाँ–नयाँ चुनौती, प्रविधिको दुरुपयोग र संगठित अपराधको बढ्दो प्रभावलाई ध्यानमा राख्दै रणनीति परिमार्जन गर्नुपर्ने आवश्यकता रहेको बताइएको छ ।
नेपालजस्तो भौगोलिक रूपमा विविध र संवेदनशील देशमा सशस्त्र प्रहरी बलको भूमिका अझ महत्वपूर्ण बन्दै गएको देखिन्छ ।
प्राकृतिक विपद्, सीमा सुरक्षा, आन्तरिक शान्ति तथा विकास निर्माणमा समेत यसले निर्वाह गर्दै आएको योगदानलाई कार्यक्रममार्फत पुनः उजागर गरिएको थियो। बैद्यनाथ बाहिनीले विगतमा बाढी, डुबान, आगलागी लगायतका विपद्का समयमा गरेको उद्धार कार्यलाई उदाहरणका रूपमा प्रस्तुत गरिएको जनाइएको छ । समारोहको समापनसँगै सहभागीहरूले सशस्त्र प्रहरी बलप्रति विश्वास र अपेक्षा दुवै व्यक्त गरेका छन् ।
