स्रोत नखुलेको १४ लाख बढी रुपैयाँसहित एक जना नियन्त्रणमाकाठमाडौं। बाँकेमा स्रोत नखुलेको १४ लाख भन्दा बढी रुपैयाँसहित एक जना पक्राउ परेका छन् । नेपालगञ्ज उपमहानगरपालिका-१६ चौलिका चोकबाट स्रोत नखुलेका १४ लाख ६ हजार ५ सय रुपैयाँसहित उनलाई सशस्त्र प्रहरीले नियन्त्रणमा लिएको हो ।पक्राउ पर्नेमा डुडुवा गाउँपालिका-४ साहपुरुवा बस्ने ३५ वर्षीय उमाकन्त गुप्ता रहेका छन् ।भे ६ प ३७४६ नम्बरको मोटरसाइकलमा सवार उनलाई सशस्त्र प्रहरीले शंका लागि जाँच गर्दा उनको साथमा उक्त रुपैयाँ फेला परेको प्रहरीले बताएको छ । उनलाई बरामद रुपैयाँसहित आवश्यक कारबाहीको लागि भन्सार कार्यालय जमुनाह बाँकेमा बुझाइएको सशस्त्र प्रहरीले जनाएको छ ।